TESTIMI NUTRIGJENETIK: ÇFARË NA TREGOJNË GJENET TONA ?

Njerëzit kanë ndërmjet 20,000 dhe 25,000 gjene të ndryshme të cilat kontrollojnë se si funksionon trupi, si është krijuar dhe si duket. Disa nga këto gjene mbajnë informacion në lidhje me gjendjen tonë potenciale shëndetësore dhe nutrigjenetika fokusohet pikërisht në to. Kjo degë e re e nutricionizmit studion lidhjen ndërmjet gjeneve dhe llojeve të caktuara të ushqimit me qëllim për të arritur shëndet optimal nëpërmjet të ushqyerit.

Testet nutrigjenetike analizojnë variante të caktuara të ADN-së sonë që lidhen me aspekte të rëndësishme të metabolizmit si deponimin e yndyrnave dhe rritjen e indeksit të masës trupore, rregullimin e oreksit, rezistencën ndaj insulinës, rregullimin e metabolizmit energjetik etj.

Ushqimibazuarnëgjene

7 GJENE TË CILAT ANALIZOHEN GJATË TESTIMIT NUTRIGJENETIK 

Gjatë testeve nutrigjenetike përfshihen një numër i madh gjenesh, ndërsa këto 7 gjene janë disa nga më të rëndësishmit:

Gjeni adipoq: RREGULLIMI I GLUKOZËS DHE SHPËRBËRJA E ACIDEVE YNDYRORE

Gjeni ADIPOQ u jep instruksione qelizave dhjamore të prodhojnë hormonin adiponektin. Ky hormon udhëton nëpërmjet gjakut në muskujt dhe qelizat e mëlçisë ku fillon të djegë yndyrën dhe aktivizon procesin e përdorimit të glukozës, gjë me të cilën krijon energji në trup.

Niveli më i lartë i adiponektinës në gjak zvogëlon rrezikun e diabetit tip 2 dhe lehtëson humbjen e peshës, përderisa niveli më i ulët mund të çojë në zhvillimin e sindromës metabolike, diabetit, dislipidemisë, obezitetit ose tensionit të lartë të gjakut.

FABP (Fatty acid binding protein): PROTEINAT E TRANSPORTIT TË ACIDEVE YNDYRORE DHE SUBSTANCAVE TË TJERA LIPOFILE

Këto proteina transportuese lehtësojnë transportin e acideve yndyrore ndërmjet membranave shtesë dhe atyre ndërqelizore. FABP-të mund të shërbejnë si biomarkues për diagnostikimin dhe prognozën e sëmundjeve kardiovaskulare dhe të mëlçisë.

  • Sëmundje kardiovaskulare. Matja e H-FABP-së mund të ndihmojë në diagnostikimin e hershëm të sëmundjeve kardiovaskulare. Nivelet e larta të FABP-së, veçanërisht të tipit kardiak (H-FABP), në plazmë mund të lidhen me infarkt akut të miokardit.
  • Sëmundjet e mëlçisë. FABP-ja e tipit të mëlçisë (L-FABP) mund të jetë biomarker i rëndësishëm për sëmundje të tilla si sëmundja joalkoolike e mëlçisë dhe cirroza e mëlçisë. Monitorimi i nivelit të L-FABP-së mundëson kontrollin e funksionit dhe patologjisë së mëlçisë.

Pparg gene – Origene: OBEZITETI DIETIK 

Niveli i ulët i shprehjes së gjenit Pparge është i lidhur me obezitetin dietik. Këto gjene stimulojnë futjen e lipideve dhe adipogjenezën në qelizat dhjamore dhe janë rregullatori kryesor në diferencimin e adipociteve. Pparg rrit ndjeshmërinë ndaj insulinës duke rritur deponimin e acideve yndyrore në qeliza, ose duke ulur lipotoksicitetin, dhe duke rritur çlirimin e adiponektinës nga qelizat yndyrore.

Pparg lidhet me fillimin e vonshëm të diabetit tip 2, si dhe me fillimin e vonshëm të sëmundjes së Alcajmerit ose demencës.

HIF-1 (Hypoxia inducible factor): RREGULLATORI I METABOLIZMIT ENERGJETIK

HIF-1 është rregullator qendror i metabolizmit të energjisë (homeostazës), zhvillimit të obezitetit dhe zhvillimit të diabetit të tipit 2. HIF-1 hipotalamik ka rëndësi të dëshmuar në rregullimin e peshës trupore, homeostazës së glukozës dhe metabolizmit të mëlçisë.

Te obeziteti, modulimi i HIF-it hipotalamik specifik dhe selektiv, të ndërmjetëm  mund të funksionojë si mekanizëm mbrojtës për të zvogëluar ndikimin negativ të çrregullimeve në hipotalamus me aktivizimin e HIF-1 specifik si objektiv potencial terapeutik me qëllim trajtimin farmakologjik të obezitetit dhe diabetit të tipit 2.

SHMT1 (Serine hydroxymethyltrasverase 1): FUNKSION I RREGULLT KLEOTIK

Gjeni SHMT1 dhe enzima adekuate e tij janë thelbësore për ruajtjen e funksionit të rregullt qelizor sepse  kontribuojnë në prodhimin e molekulave esenciale të nevojshme për rritjen, zhvillimin dhe proceset e ndryshme metabolike në trup.

Ndryshimet ose mutacionet në gjenin SHMT1 mund të ndikojnë potencialisht në këto procese dhe mund të jenë të lidhura me sëmundje ose gjendje të caktuara si sëmundjet kardiovaskulare, disa lloje kanceri dhe autizmi.

ADRB-1 (Beta-adrenergic): DOMOSDOSHMËRI E ZVOGËLUAR PËR GJUMË

Mungesa e gjumit është e lidhur me shumë probleme shëndetësore kronike, duke përfshirë sëmundjet e zemrës, tensionin e lartë të gjakut, diabetin, goditjet në tru, obezitetin dhe depresionin. Receptori beta-adrenergjik rrit nevojën për të qenë zgjuar dhe zvogëlon nevojën për gjumë. Familjet që kanë mutacione të këtij gjeni janë të prirura për të fjetur më pak.

SNP (Single nucleotide polymorphism): NDJESHMËRIA NDAJ SËMUNDJEVE TË CAKTUARA OSE REAGIME NDAJ ILAÇEVE

SNP-të janë të lidhura me një spektër të gjerë sëmundjesh dhe gjendjesh. Këto ndryshime në sekuencën e ADN-së mund të ndikojnë në funksionin e gjeneve dhe proteinave, duke ndikuar potencialisht në ndjeshmërinë e individit ndaj sëmundjeve të caktuara ose reagimin e tyre ndaj trajtimeve. Disa shembuj të sëmundjeve dhe gjendjeve të lidhura me SNP-të përfshijnë:

  • Sëmundje kardiovaskulare
  • Çrregullime autoimune
  • Çrregullime neurologjike
  • Çrregullime metabolike

SRCE – QENDRA PËR SËMUNDJE TË BRENDSHME: PËRGATITJA E PLANIT PËR USHQIMIN E PERSONALIZUAR DHE PARANDALIMIN E SËMUNDJEVE MBI BAZËN E GJENEVE TONA

Nutrigjenetika konsiderohet si një nga metodat më të mira moderne për parandalimin e sëmundjeve të ndryshme, uljen e peshës trupore dhe arritjen e shëndetit të përgjithshëm optimal. Testimi është i thjeshtë dhe bëhet një herë në jetë. Në bazë të rezultateve të marra nga analizat tuaja të ADN-së, nutricionistët dhe mjekët me renome të Qendrës për Sëmundje të Brendshme “Srce” përgatisin regjim ushqimi individual për çdo pacient. Na kontaktoni për më shumë informacion dhe konsultim dhe caktoni testimin nutrigjenetik.

Search

+