EFEKTE NEGATIVE NGA PIRJA E DUHANIT MBI SHËNDETIN TONË

Pirja e duhanit mund të shkaktojë efekte negative afatgjata në organizëm, duke përfshirë sëmundjet e zemrës, kancerin dhe diabetin.

Nuk ka asnjë mënyrë të sigurt të pirjes së duhanit. Sipas Shoqatës Amerikane të Mushkërive, cigaret kanë rreth 600 përbërës dhe të paktën 69 prej tyre janë kancerogjene.

Pavarësisht nëse e konsumoni nëpërmjet pirjes së duhanit apo përtypjes, duhani është i rrezikshëm për shëndetin tuaj. Produktet e duhanit përmbajnë përbërës të dëmshëm si acetoni, katrani, nikotina dhe monoksidi i karbonit dhe shumë të tjerë. Thithja e këtyre substancave mund të ndikojë në mushkëritë dhe organet e tjera të trupit tuaj. Lexoni se çfarë pasojash negative mund të shkaktojë duhani.

Ndikimetnegativetëcigareve

PIRJA E DUHANIT MUND TË ÇOJË DERI NË SHFAQJEN E SËMUNDJEVE TË KANCERIT

Një numër shumë i madh studimesh tashmë tregojnë qartë lidhjen midis pirjes së duhanit dhe shumë llojeve të kancerit. Pirja e duhanit rrit rrezikun e prekjes nga kjo sëmundje në çdo pjesë të trupit. Disa lloje të kancerit të shkaktuara nga pirja e duhanit mund të jenë:

  • kanceri i fshikëzës së urinës
  • kanceri i mitrës
  • kanceri i ezofagut
  • kanceri i veshkave dhe mitrës
  • kanceri i mëlçisë
  • kanceri orofaringeal (i cili mund të përfshijë pjesë të fytit, gjuhën, bajamet dhe  qiellzën e butë)
  • kanceri i pankreasit
  • kanceri i lukthit
  • kanceri i trakesë, bronkeve dhe mushkërive

 

Nëse e lini duhanin sot, rreziku i zhvillimit të një prej këtyre kancereve do të ulet për rreth 10 deri në 20 vjet, por gjithsesi është më i lartë se rreziku për një jo duhanpirës.

PIRJA E DUHANIT ÇRREGULLON SISTEMIN NERVOR QENDROR 

Një nga përbërësit e duhanit është nikotina, e cila krijon varësi dhe shprehi. Nikotinës i duhen vetëm disa sekonda për të arritur në tru dhe jep energji momentalisht. Por, ndërsa ky efekt largohet, ne fillojmë të ndihemi më të lodhur dhe me oreks të shtuar. Nikotina mund të dëmtojë aftësinë për të menduar dhe të shkaktojë emocione negative si:

  • ankth
  • nervozizëm
  • depresion

Lënia e duhanit gjithashtu mund të shkaktojë dhimbje koke dhe probleme me gjumin.

PIRJA E DUHANIT DËMTON SISTEMIN E FRYMËMARRJES 

Pirja e duhanit dëmton rrugët e frymëmarrjes, alveolat në mushkëri dhe ciliat, të cilat janë në formën e qimeve të vogla dhe parandalojnë papastërtitë dhe mukozën të hyjnë në mushkëri.

Rreziku nga sëmundjet e kancerit. Dëmtimi i mushkërive nga pirja e duhanit shkakton sëmundje të mushkërive ose kancer. Pirja e duhanit është shkaktari kryesor i kancerit të mushkërive. Duhanpirësit kanë 20 herë më shumë gjasa të preken nga kjo sëmundje sesa jo duhanpirësit.

Gjendje kronike të mushkërive. Njerëzit që pinë duhan kanë një rrezik më të lartë të zhvillimit të sëmundjeve kronike të mushkërive si:

  • emfizemë, shkatërrim i qeseve të ajrit në mushkëri
  • bronkit kronik, një inflamacion i përhershëm që prek rreshtimin e rrugëve të frymëmarrjes të mushkërive
  • sëmundje kronike obstruktive pulmonare
  • kanceri i mushkërive
  • astmë

Lënia e produkteve të duhanit mund të shkaktojë mbingarkesë të përkohshme dhe siklet në frymëmarrje, sepse mushkëritë dhe rrugët e frymëmarrjes fillojnë të shërohen. Rritja e prodhimit të mukozës menjëherë pas lënies së duhanit mund të jetë shenjë pozitive që sistemi juaj i frymëmarrjes po rimëkëmbet.

PIRJA E DUHANIT MUND TË NDIKOJË MBI SISTEMIN E RIPRODHUES

  • Nikotina çrregullon qarkullimin e gjakut në organet gjenitale edhe te burrat edhe te gratë.
  • Pirja e duhanit mund të çojë në probleme të fertilitetit dhe ulje të nivelit të hormoneve seksuale që çon në uljen e dëshirës seksuale.
  • Gratë që konsumojnë produkte të duhanit mund të hyjnë në menopauzë më herët se ato që nuk konsumojnë.
  • Te meshkujt, pirja e duhanit mund të shkaktojë çrregullim erektil dhe çrregullime të spermës që mund të çojnë në vështirësi gjatë ngjizjes.

PIRJA E DUHANIT MUND TË SHKAKTOJË SËMUNDJE KARDIOVASKULARE

Pirja e duhanit mund të dëmtojë sistemin kardiovaskular, duke përfshirë zemrën, arteriet dhe enët e gjakut.

Nikotina shkakton ngushtimin e enëve të gjakut, që rezulton me çrregullimin e qarkullimit të gjakut. Pirja e duhanit gjithashtu rrit tensionin e gjakut, dobëson muret e enëve të gjakut dhe rrit rrezikun e krijimit të trombëve.

CAKTONI VIZITË PARANDALUESE NË “SRCE”-QENDRA PËR SËMUNDJE TË BRENDSHME DHE SIGUROHUNI PËR SHËNDETIN TUAJ

Pirja e duhanit ka efekt negativ në të gjithë organizmin tonë dhe mund të jetë shkaktar i shumë sëmundjeve. Në Ditën botërore kundër duhanit, Qendra për Sëmundjet e Brendshme “Srce” ju kujton të gjitha efektet e dëmshme të shkaktuara nga pirja e duhanit dhe ju inkurajon të lini këtë shprehi të keqe për të jetuar më gjatë dhe më shëndetshëm.

Nëse ndieni ndonjë shqetësim shëndetësor të shkaktuar nga konsumimi i produkteve të duhanit, vizitoni qendrën tonë, ku ekipi ynë i ekspertëve do t’ju kushtojë vëmendje dhe kujdes të plotë dhe do të përpiqet së bashku të gjejmë zgjidhje për të arritur shëndetin e përgjithshëm optimal.

Search

+