ВАЖНОСТА НА ВИТАМИН Д ВО ЗИМСКИОТ ПЕРИОД

Витаминот Д е еден од клучните елементи за одржување на добро здравје, но токму во зимските месеци неговиот недостиг е најчест. Намалената изложеност на сонце, главниот природен извор на витамин Д, води до пад на неговото ниво во организмот, што може да предизвика замор, намален имунитет, болки во мускулите и поголем ризик од инфекции.

витамин Д

ЗОШТО НИВОТО НА ВИТАМИН Д СЕ НАМАЛУВА ВО ЗИМА?

Производството на витамин Д зависи од изложеноста на кожата на сончева светлина. Во зимскиот период деновите се пократки, сонцето е пониско на хоризонтот, а времето често е облачно. Покрај тоа, најголемиот дел од времето го поминуваме во затворен простор, што дополнително ја намалува можноста телото да го синтетизира потребниот витамин Д.

Важно е да се знае дека храната обезбедува само мал дел од дневните потреби, а дури и урамнотежена исхрана ретко може да го надомести целосниот недостиг.

ВИТАМИН Д И ИМУНИТЕТОТ: ПРИРОДНА ЗАШТИТА ВО СЕЗОНАТА НА ВИРУСИ

Витаминот Д има важна улога во регулирање на имунолошкиот систем. Тој помага телото поефикасно да се справи со вируси и бактерии, што е особено значајно во сезоната на настинки и грип.

Истражувањата покажуваат дека недостигот на витамин Д може да доведе до:

  • поголема склоност кон респираторни инфекции
  • подолготрајно закрепнување
  • појава на хроничен замор

Затоа, одржувањето на оптимално ниво на витамин Д претставува една од основните превентивни мерки за зачувување на здрав и стабилен имунитет во текот на зимата.

УЛОГАТА НА ВИТАМИН Д ВО ЗДРАВЈЕТО НА КОСКИТЕ И МУСКУЛИТЕ

Познат е фактот дека витаминот Д овозможува правилна апсорпција на калциум, што е неопходно за здрави коски.

Нискиот витамин Д може да резултира со:

  • зголемен ризик од остеопенија и остеопороза
  • грчеви и болки во мускулите
  • чувство на слабост и намалена физичка издржливост

Зимата е период кога многу пациенти почувствуваат овие симптоми без да ги поврзат со можен недостаток на витамин Д.

КОИ СИМПТОМИ УКАЖУВААТ НА НЕДОСТИГ?

Недостигот често е „тивок“, но најчестите симптоми се:

  • чести инфекции
  • хроничен замор
  • пад на расположение
  • болки во коските
  • слабост во мускулите

Доколку ги чувствувате овие промени, препорачливо е да направите лабораториска проверка во Срце – центар за внатрешни болести.

КАКО ДА ОДРЖУВАТЕ ОПТИМАЛНО НИВО НА ВИТАМИН Д?

ИЗЛОЖУВАЊЕ НА СОНЦЕ (КОГА Е МОЖНО)

Дури и кратки прошетки во сончеви денови можат да помогнат.

ИСХРАНА БОГАТА СО ВИТАМИН Д

Јајца, масна риба (лосос, скуша, сардина), печурки и збогатено млеко можат да придонесат за внес на витамин Д.

СУПЛЕМЕНТАЦИЈА

Во зимскиот период, суплементите се најчестиот и најефикасниот начин за одржување нормални вредности. Дозата треба да ја одреди лекар врз основа на лабораториска анализа.

НАПРАВЕТЕ ЛАБОРАТОРИСКА АНАЛИЗА ВО СРЦЕ – ЦЕНТАР ЗА ВНАТРЕШНИ БОЛЕСТИ

Витаминот Д е есенцијален за здрави коски, силен имунитет и општа виталност, а токму во зимата телото најмногу го губи. Редовното следење на вредностите, правилната исхрана и суплементацијата по препорака на лекар помагаат да се одржи енергијата и здравјето во текот на целиот зимски период.

Доколку имате симптоми или сомнеж за недостиг, тимот на Срце – Центар за внатрешни болести е тука да ви помогне со стручна проценка и индивидуализиран план.

Search

+