ШТО ПРЕДИЗВИКУВА ИНТОЛЕРАНЦИЈА НА ХРАНА? СИМПТОМИ И ТРЕТМАНИ
Интолеранција и сензитивност на храна е многи честа појава. Всушност, преку 20% од луѓето во светот имаат интолеранција на одредена храна. Симптомите може да бидат различни, а едни од најчестите се гасови, дијареа и абдоменална болка. Прочитајте повеќе за најчестите храни на кои сме интолерантни, како и како да ги подобрите симптомите.

ШТО Е ИНТОЛЕРАНЦИЈА НА ХРАНА?
Интолеранција на храна се јавува кога дигестивниот систем не може да ги разложи одредени состојки во храната. Ова не е исто како алергија на храна, каде што имунолошкиот систем реагира на одредена храна. Интолеранцијата е обично помалку сериозна, но сепак може да предизвика значителна непријатност и проблеми во секојдневниот живот.
НАЈЧЕСТИ СИМПТОМИ НА ИНТОЛЕРАНЦИЈА НА ХРАНА
Постојат голем број на симптоми на интолерацанција, кои често може да се помешаат со симптоми на друга состојба. Сепак, едни од најчестите симптоми се:
- Гасови и надуеност.Овие симптоми често се јавуваат неколку часа по консумирањето на одредена храна и се резултат на неможноста на телото да ја разложи храната ефикасно.
- Дијареа. Дијареа е симптом кој се карактеризира со чести, течни или водени столици. Тоа е често пријавуван симптом на интолеранција на храна и може да биде резултат на неспособноста на дигестивниот систем да разложи одредени состојки во храната.
- Абдоменална болка.Оваа болка може да биде блага или силна и често е поврзана со гасови и надуеност.
- Главоболка и мигрена.Некои луѓе можат да искусат главоболки или мигрени како резултат на интолеранција на храна.
- Замор.Чувството на замор и умор по консумирање на одредена храна е уште еден симптом кој може да укажува на интолеранција.
- Надразнетост и промени во расположението.Интолеранцијата на храна може да влијае и врз вашето ментално здравје, предизвикувајќи раздразливост и промени во расположението.
НАЈЧЕСТИ ХРАНИ НА КОИ ЛУЃЕТО СЕ ИНТОЛЕРАНТНИ
Лактазната нетолеранција е една од најчестите форми на интолеранција на храна. Најчесто овј тип на интолеранција е потикната од конзумирање на млеко и млечни производи. Глутенот исто така често предизвикува интолеранција. Тој е протеин кој се наоѓа во пченицата, јачменот и ‘ржот. Интолеранцијата на глутен може да предизвика дигестивни проблеми и други симптоми.
Некои луѓе имаат интолеранција на кофеинот кој се наоѓа во кафе, чај и некои енергетски пијалоци. Освен интолеранција овие производи може да предизвикаат несоница, нервоза и други симптоми. Уште една состојка во храната која може да предизвика потешкотии, а најчесто гасови и диареја е фруктозата. Фруктозата е шеќер кој се наоѓа во овошјето, медот и некои засладени пијалоци.
КАКО ДА ГИ ПОДОБРИТЕ СИМПТОМИТЕ НА ИНТОЛЕРАНЦИЈА НА ХРАНА
Водење на дневник за храна. Ова може да помогне во идентификување на храните кои предизвикуваат симптоми. Запишете што јадете и пиете, како и сите симптоми кои ги доживувате.
Елиминациона диета. Ова вклучува отстранување на сомнителните храни од вашата исхрана за одреден период и потоа постепено повторно воведување на овие храни за да се види дали предизвикуваат симптоми.
Советување со нутриционист. Нутриционистите се професионалци кои може да помогнат во развивање на балансирана диета, врз база спроведени тестирање, која избегнува храни кои предизвикуваат интолеранција.
Замени за проблематични храни. Ако сте интолерантни на одредена храна, побарајте алтернативи. На пример, ако имате лактазна нетолеранција, пробајте со млечни производи без лактоза или растителни млека.
НАПРАВЕТЕ ТЕСТ ЗА ИНТОЛЕРАНЦИЈА НА ХРАНА ВО СРЦЕ – ЦЕНТАР ЗА ВНАТРЕШНИ БОЛЕСТИ
Интолеранцијата на храна може да предизвика значителна непријатност и да влијае врз квалитетот на животот. Идентификувањето на симптомите и избегнувањето на проблематичните храни се клучни чекори за управување со оваа состојба. Доколку имате сомнеж за интолеранција на храна, консултирајте се со медицински професионалец за совет и третман.
Во Срце – Центар за внатрешни болести, нашиот тим е подготвен да ви помогне во дијагностицирање и управување со интолеранција на храна преку спроведување на тест за интолеранција кој се изведува со MORA NOVA апаратот, индивидуален пристап и поддршка. Контактирајте не за да закажете преглед и да добиете персонализиран план за исхрана.